ఏలిన నాటి శని జరుగు చున్నప్పుడు గృహ నిర్మాణము చేస్తే ఆ గృహము నిర్మాణము పూర్తి కాదు.
ఏదో విధమైన ఆటంకములు ఏర్పడి మధ్యలో ఆగి పోతుంది . సమయానికి డబ్బు చేతికి అందదు .
పూర్తవడానికి చాలా కాలము పడుతుంది . అనేక ఒడుదుడుకుల ఎదుర్కొంటే గానీ గృహమును
పూర్తి చెయ్యలేరు .
వివాహము నకు మాత్రము ఆటంకము కలుగదు . చాలా మందికి
ఏలిన నాటి శని జరుగు చున్నప్పుడు వివాహము జరుగుతుంది . వధూ వరుల ఇద్దరిలో ఎవరో
ఒకరికి అర్దాష్టమ శని , అష్టమ శని , ఏలిన నాటి శని ఉన్నప్పుడు మాత్రమే వివాహము
జరుగు చున్నది . ఎంతో కాలము వివాహము జరుగ కుండా ఉన్న వారికి కూడా ఏలిన నాటి శని
జరుగు చున్నప్పుడు వివాహము జరుగు చున్నది .
మన దృష్టిలో వివాహము అనేది శుభ కార్యము . కానీ
బ్రహ్మ చారులై ఉండే వారికి సంసార బంధమును
ఏర్పరచి భాధ్యతలను పెంచేవాడు శని గ్రహము . కుటుంబమును ఏర్పరచి భవ బంధములను ఏర్పరుస్తాడు
అయితే శని గ్రహము వలన కలిగే భాధలకు నివారణ లేదా ?
అని చాలా మంది అడుగుతుంటారు .
శనీశ్వరుని పూజించడము , నువ్వుల నూనెతో
అభిషేకములు చేయించడము , నలుపు వస్త్రములు , నల్ల నువ్వులు దానము ఇవ్వడము వలన శనీశ్వరునికి శాంతి జరిగి మంచిని ప్రసాదించ
గలడు .
ప్రతిరోజూ శని గ్రహ స్తోత్రమును పటించుట వలన కూడా
శాంతి కలుగును . నల్ల చీమలు , కాకులు మున్నగు వాటికి ఆహారమును పెట్టుట మంచిది .
వీలయినపుడు ఎవరికైనా సరే అన్న దానము చేయ వలెను . మీరు వాడిన పాత బట్టలను ఎవరైనా
బీదవారికి ఇవ్వండి . అనాధ పిల్లలకు ఆశ్రయము కల్పించండి . మీకు తోచిన సహాయము
చెయ్యండి .
శని బద్దకమును పెంచుతాడు , అతినిద్ర, మత్తు, బద్దకము కలిగిస్తాడు . ఏకాగ్రత
లోపిస్తుంది . విద్యార్ధులయితే వేకువ జామున లేవండి .బ్రహ్మ ముహూర్త కాల సమయమైన
తెల్ల వారుజామున లేచి చదువుట వలన తెలివి తేటలు పెరుగుతాయి .
మిగతా వారు ఆరోగ్యమును కాపాడుకొనుటకు అన్ని వేళలా
అలర్ట్ గా ఉండాలి .
కొంత మందిలో అయితే ఊబ కాయులు అవడము, శరీరమునందు
కొవ్వు పెరిగి శారీరక అందమును కోల్పోయి వికారముగా తయారవుతారు . నూనె సంభందిత
పదార్ధాలను తినడము తగ్గించండి . ఎక్కువగా వ్యాయామము చెయ్యండి . దీనివలన బద్దకము
తగ్గుతుంది . యాక్టివ్ గా ఉంటారు .
ఏలిన నాటి శని జరుగు చున్న వారు ఏ నిర్ణయమును
సరిగ్గా తీసుకోలేరు . ఒకే విషయమును గురుంచి పదేపదే అలోచిస్తూంటారు . వృధాగా కాల
యాపన చేస్తారు . అనుకొన్న పనిని అనుకొన్న సమయమునకు పూర్తి చెయ్యలేరు . ఇటువంటి
వారు ఉదయాన్నే యోగా చేయండి , లేకపోతే మీ కుల దైవమును గానీ , మీ ఇష్ట దైవమును గానీ
మనసున ఉంచుకొని ధ్యానం చెయ్యండి . దీనివలన ఏకాగ్రత పెరుగుతుంది . ఉత్సాహముగా
ఉంటారు .యాక్టివిటీ పెరుగుతుంది .
ఇలా శారీరకముగా మానసికముగా అన్ని విధములా మనకు జరిగే పరిస్థితులకు
అనుగుణముగా కొన్ని కొన్ని పరిహారములను చేయడం వలన శనీశ్వరుని అనుగ్రహమును పొంద గలము
.
No comments:
Post a Comment