జన్మ నక్షత్ర ఫలితము _ మృగశిర

 మృగశిరా నక్షత్రము లో పుట్టిన వారు సౌందర్యముగా ఉంటారు . గౌరవము మర్యాద కలిగి సంఘమునందు ఉన్నతముగా రాణిస్తారు . వీరు పెద్ద పెద్ద కార్యములను చేపడతారు . దయ, జాలి కలవారు . కొంత అహంకారము , గర్వము తో ఉంటారు . కుటిల స్వభావము కలవారు . శత్రువులను తనకు గిట్టని వారిని ఇబ్బందులకు గురి చేస్తారు .మంచి వాక్చాతుర్యము కలిగి ఉంటారు . పూర్వ ఆచార సాంప్రదాయములను గౌరవించుట , వాటిని పాటించుట వీరికున్న ముఖ్య లక్షణము .

పురాణములను , వేద శాస్త్రములను  చదువుట , వాటిగురించి నలుగురకూ చెప్పెదరు .ఆచార వ్యవహారముల యందు ఇష్టత కలవారు . తమ స్వంత పనులలో ఎక్కువగా ఆలోచిస్తూ ఉంటారు . తల్లి తండ్రి యెడల విశేష భక్తీ భావము కలవారు . అనుకొన్న పనులను ప్రణాలికా బద్దంగా నిర్వహించు స్వభావము వీరికి ఉంటుంది . దైవ బలం వీరికి అండగా ఉంటుంది . ఎక్కువగా ధనము  కొరకు ఇబ్బందులు పడతారు . వీరి చేతిలో ధనము నిల్వ ఉండుట అరుదు .

సాధారణముగా అగ్ని తత్వ నక్షత్రము మరియు కుజుడు అధిపతి యైన ఈ నక్షతమున జన్మించిన వారికి కోపము ఎక్కువ . తొందరగా ఉద్రేకపడతారు . తగవులలో ముందుంటారు . ఉద్రేకముగా వ్యవహరించుట వలన కొన్ని సార్లు సమస్యలను ఎదుర్కొనవలసి ఉంటుంది . క్షణిక ఆవేశమునకు లోనగుదురు . పౌరుషము ఎక్కువ . ఎంతటి వారితో నైనా ఎదుర్కొంటారు . వెనుకంజ వేయరు .

వీరు జీవితభాగస్వామితో కలసి మెలసి ఉండుట మంచిది . ఎందుకంటే భార్య భర్తల మధ్య కొంత అవగాహన లోపము ఉంటుంది . ఒకరికి ఒకరు అరమరికలు లేకుండా ఉండుట వలన అనుకూలత ఏర్పడును . పర స్త్రీ వ్యామోహము కలవారు . సంతాన సంభంద విషయములో కొంత నష్టము జరుగు అవకాశములు ఉన్నవి . మనసున ఉన్న విషయములను బయటకు చెప్పరు. గుంభనంగా ఉంటారు . ఆరోగ్య విషయమున జాగ్రత్త అవసరము .

మధ్య వర్తులుగా ఉండడము , ఇతరులకు హామీ ఉండడం లాంటి వలన సమస్యలు ఎదురగును ., కోర్టు సంభంద విషయములలో ఇరుక్కుంటారు .ద్వేషము కలవారు . ద్వేషమును తగ్గించు కొనిన అభివృద్ధి బాగుండును . పంతాలు , పట్టింపులు ఎక్కువ గా ఉంటాయి . కోపము నషాళానికి ఎక్కుతుంది.  ఎంత వేగముగా కోప పడతారో అంతే వేగంగా శాంతిస్తారు .         .