మేష లగ్నములో పుట్టిన వారికి లగ్నము నందు శని యున్న జాతకులు బలహీన
శరీరము కలిగి యుందురు .
ఇది శనికి నీచ స్థానము . కావున ఆయాసము , అలసట మొదలగు రోగ లక్షణములు
ఉంటాయి . శరీరములో రోగ నిరోధక శక్తి తక్కువగా ఉంటుంది . నరముల నిస్సత్తువ కలిగి
సన్నగా ఉంటారు .
2 వ స్థానమైన వృషభ రాశిలో శని యున్న జాతకులుకు సమయమునకు ధనము
చేతికందదు. ప్రతి పని ఆలస్యముగా జరుగు తుంది .కుటుంబ సౌఖ్యము తక్కువ . వీరికి
చిన్న తనములో మాటలు ఆలస్యముగా వచ్చును . మాటలాడుటలో తడబడు చుందురు . సభా పిరికి
.వీరికి వివాహాది శుభ కార్యములు ఆలస్యముగా జరుగుతాయి .
మూడవ ఇంట శనియున్న వారికి సోదర సౌఖ్యము ఉండదు . వీరికన్నా చిన్న
వారికి నష్టములు కలుగును . సోదర నాశనము తప్పదు .
నాల్గవ స్థానమైన మాతృ స్థానములో శని ఉండుట వలన తల్లి ప్రేమ తక్కువగా
పొందుతారు . వీరిలో కొంత మంది దత్తత ఇవ్వ బడతారు . ఒక్కొక్కప్పుడు తల్లికి ప్రాణ
నష్టము కలుగును . విద్యా సంభంద విషయములలో వెనుక బడతారు . చదివిన విషయములు
గుర్తుండవు . బద్దకము ఎక్కువగా ఉంటుంది .
అయిదవ స్థానములో శని యున్న జాతకులు మంద బుద్ది కలిగి ఉంటారు . సంతానము
ఆలస్యముగా కలుగుతుంది . ఒకవేళ తొందరగా సంతానము కలిగితే స్త్రీ సంతానము కలుగుతుంది
. జాతకులకు వారసులు ఉండరు .
ఆరవ స్థానములో శనియున్న వారికి పాదములకు సంబంధించిన వ్యాధులకు
గురియగుతారు . వృత్తి యందు మార్పులు సంభవించును .
కళత్ర స్థానము లో శని ఉచ్చ స్థితిలో ఉంటాడు . ఈ స్థితి యున్న జాతకులకు
వివాహము ఆలస్యముగా జరుగుతుంది . మొదట అనుకొన్న సంబంధము తప్పిపోవు అవకాశము లున్నవి
. వివాహ అనంతరము జీవితము నెమ్మదిగా అభివృద్ది చెందుతుంది .
ఎనిమిదవ ఇంట శని యున్న జాతకులకు ఆయుస్సు బాగుంటుంది . కానీ వృత్తి
యందు నిలకడ ఉండదు . తొందరగా పైకి రాలేరు . ఎక్కువ కాలము నిరుద్యోగులుగా ఉంటారు .
వీరికి ఏ అవకాశము కలసి రాక నిరాశ చెందుతారు .
భాగ్య స్థానము నందు శనియున్న జాతకులు పితృ భాగ్యమును పొందలేరు . ఒకవేళ
ధన వంతుల కుటుంబం లో జన్మించినా వీరి అనుభవమునకు వచ్చేసరికి ఆస్తి నశించి పోవును .
కర్మ భావము అనగా మకరము నందు శనియున్న జాతకులకు శని స్వక్షేత్ర
స్థితిలో ఉన్న కారణము వలన శశ మహా పురుష యోగాన్ని పొందుతారు . దీని వలన సాధారణ
స్థాయి నుండి అంచెలంచెలుగా ఉన్నత స్థితికి చేర గలరు .
లాభ స్థాన శని గ్రహ స్థితి వశమున జాతకులు దీర్గ కాలములో అనేక
విధములుగా లాభపడుదురు . దీర్గాకాల ప్రణాలికలతో ముందుకు పోవుదురు .
పన్నెండవ స్థానమున శనియున్న వారు ఆశించిన దానిలో కొంత నష్టములు
ఎదుర్కోక తప్పదు .ఉద్యోగ , వ్యాపార సంభంద వ్యవహారముల యందు చాల జాగ్రత్త అవసరము .
వీరు సంపాదించిన ధనాన్ని గానీ కీర్తిని , పేరు ప్రఖ్యాతలను కోల్పోవలసి వస్తుంది .
No comments:
Post a Comment