శంఖుస్థాపన

గృహారంభము అనునది మానవుని జన్మతో సమానము .

జన్మించిన దాదిగా మానవునకు  ఈ సృష్టితో అనుబంధము ఉంటుంది ,.

అదే విధముగా పునాది రాయి వేయడం , భూమి పూజ చేయడం లేక శంఖుస్థాపన చేయడం అనేది మంచి సుగుణములు కలిగిన శుభ ముహూర్తములో చేయాలి .

ఆ విధముగా చేసిన గృహము నందుండు వారికి సకల ఆయురారోగ్య ఐశ్వర్య కలుగ చేస్తుంది .

   

గృహ ఆరంభము చేయుటకు మాస ఫలితములు ఈ విధముగా ఉన్నాయి .

శ్లోకం : చైత్రమాసే గృహారంభే ధనధాన్య పశుక్షయం , వైశాఖం శుభదంచైవ , జ్యేష్టాయమరణం

        ఆషాడం కలహం భవేత్ , శ్రావణం శుభదం , భాద్రపదే సదా రోగీ, 

        ఆశ్వీయుజం కలహం, కార్తీకే శుభదం ప్రోక్తం , మార్గశిర్షే మహాద్భయం

        పుష్యేచా అగ్ని భయంచ ,మాఘేస సంపదా , పాల్ఘునే రత్న లాభః

అని చెప్పితిరి

తాత్పర్యము : చైత్ర మాసమున గృహారంభము చేసినచో ధన నష్టము జరుగును ,వైశాఖ మాసము శుభము , జ్యేష్ట మాసము మరణమును కలుగ జేయును , ఆషాడ మాసమునందు తగవులు ఏర్పడును , శ్రావణము సకల శుభములు ప్రసాదించును , బాద్రపద మాసమునందు అనారోగ్యము కలుగును .,, ఆశ్వీయుజం కలహములు , గృహమునందు ఉండువారికి మనస్సుకు శాంతి కరవగును . కార్తీకము మంచిది . మార్గశిర మాసము భయమును కల్గిస్తుంది . పుష్య మాసము న గృహా రంభము చేయుట వలన అగ్నిచే దహించ బడును . మాఘ మాసము సకల సంపదలు , ఐశ్వర్యము , కలుగుతాయి . ఫాల్గుణ మాసమున చేయుట వలన అనేక విధములుగా అభివృద్ధి కలుగుతుంది .

శంఖు స్థాపనకు పనికి వచ్చే నక్షత్రములు .

ఉత్తర , ఉత్తరాషాడ , ఉత్తరాభాద్ర , రోహిణి , మృగశిర ,చిత్త , ధనిష్ఠ అనూరాధ , రేవతి , స్వాతి , శతభిషం గ్రుహారంభామునకు ప్రశస్తమైన నక్షత్రములు .

బుధ , గురు , శుక్ర వారముల యందు సూర్యోదయమునకు ముందు ౩ నుండి 6 గంటల లోపల గానీ , సూర్యోదయము తరువాత ఉదయం 11 గంటల లోపల గానీ శంఖు స్థాపన ముహూర్తము ఏర్పాటు చేసుకోవలెను

ఈ ముహూర్తము సకల సుగుణములు కలది 4 , 8 , 12 స్థానముల శుద్ది కలిగి వృషభ చక్రశుద్ది, తారాబలము , చంద్రబలము , పంచకరహితములు బాగుగా యున్నది అయి ఉండాలి .

4, , 8 , 12 స్థానములను గురించి ఇంతకుముందు కూడా ప్రస్తావించాను . వీటి గురించి కొంత వివరణ .

4 వ స్థానము సుఖాన్ని సూచిస్తుంది . ఇట్టి ఈ స్థానములో పాప గ్రహములు ఉండుట వలన  గృహము నిర్మాణమైన తరువాత గృహమందు ఉండువారికి సుఖములు లేక అనేక రకాల కష్ట నష్టములు కల్గును .

8 . ఇది ఆయుస్సు ను సూచిస్తుంది . ఇక్కడ శుద్ది లేకపోతె గృహమునందు మరణము కల్గును .

12 ఇది ఖర్చులను , నష్టములను , అపజయములను సూచిస్తుంది . ఈ స్థానము శుద్ది గా ఉండక పొతే గృహ యజమానికి గానీ అందుండు వారికి గానీ అన్నింటా అపజయములు కల్గును. .

సూర్యుడు మరియు రాహు , కేతు

సూర్యుడు మరియు రాహు , కేతు గ్రహముల స్థితి బాగున్న జాతకులను గురించి
జాతక చక్రములో సూర్యునికి , రాహువుకు , కేతువుకు 10 వ భావ అధిపతి కి సంబంధం బాగున్న జాతకులు వైద్య వృత్తిని చేపడతారు . తద్వారా విశేష పేరు ప్రఖ్యాతలు గడిస్తారు . అయితే వైద్య వృత్తికి సంబంధించి పైన తెలిపిన గ్రహములను గురించే కాకుండా ఇంకా అనేక విధములుగా పరిశీలించ వలసిన అవసరము ఉన్నది .


1 లగ్నాధిపతి తో గానీ లగ్నముతో గానీ 10 వ భావము సూర్యుడు , రాహువు సంబంధం ఉంటే జనరల్ సర్జన్ గానీ, హృద్రోగ నిపుణులు  అవుతారు .
2 రెండవ భావ అధిపతి తో ఈ గ్రహముల సంబంధము ఏర్పడితే దంత వైద్య నిపుణులు కాగలరు .
౩ మూడవ భావాధిపతి సంబంధము కల్గితే చెవి , ముక్కు , కన్ను కు సంబంధించిన వైద్యులు కాగలరు .

4 నాల్గవ భావ సంబంధము లో ఉంటే ప్రేగులు , కడుపుకు సంబంధించిన వైద్య విభాగములో ప్రవీణులు కాగలరు .
5 ఐదవ భావముతో పై గ్రహముల వీక్షణ గానీ , కలయిక గానీ , పరివర్తన కలిగితే ప్రసూతి వైద్యులుగా రాణిస్తారు .
6 ఆరవ భావ సంబంధములో ఉంటే కిడ్నీలు , వెన్నెముక కు సంబంధించిన విభాగములో వైద్య వృత్తిని చేపడతారు 7 ఏడవ భావము తో గ్రహముల సంబంధము ఉన్నప్పుడు స్త్రీ వైద్య నిపుణులు కాగలరు . సంఘములో ప్రజలకు సేవ చేయుచు గొప్ప ప్రజాదరణ పొందగలరు .
కేతు సంబంధములో ఉన్నపుడు స్కిన్ స్పెషలిస్ట్ కాగలరు .

ఈ విధముగా గ్రహ బలములు బాగున్నప్పుడు పైన తెలిపిన విభాగములలో వృత్తిని చేపట్టుట యే కాక ఆయా రంగములలో శాస్త్ర పరిశోధనలు చేయ గలరు .

సూర్యుడు మరియు రాహు కేతు గ్రహములు బలహీనముగా ఉన్నవారు , మోస గుణము కలిగి ఉంటారు , మోస పూరిత వ్యవహారములు నడుపుతారు . అన్యాయము , అక్రమాలు చేయుటకు వెనుకాడరు .సంఘ వ్యతిరేక పనులకు పాల్పడడం , దొంగ వ్యాపారములు , చీకటి వ్యాపారములు , లిక్కర్ మొదలగు మత్తు పదార్ధముల వ్యాపారము లు చేయుదురు .

సూర్యుడు మరియు రాహు , కేతు గ్రహములు ఒకే సరళ రేఖపై ఉన్నప్పుడు గానీ 10 డిగ్రీల కన్నా తక్కువ దూరములో ఉన్నప్పుడు గానీ పుట్టిన వారు అసాంఘిక కార్యక్రమములకు పాల్పడుట యే కాక ప్రభుత్వము వారిచే శిక్షించ బడతారు . పోలీసు కేసులు , కోర్టు శిక్షలు , జరిమానాలు ఎదుర్కొంటారు  
 

జప విధానము

1 ఇతరులకు వినపడేటట్లు చేసే జపము . దీనిని వాచకమని అందురు

2 ఇతరులకు వినపడి వినపడనట్లు చేస్తే దానిని ఉపాంశువు అని అంటారు .

౩ మనసులో జపిస్తే అది మానసికమని అనబడును .

ఆసన ప్రాధాన్యత

దర్భాసనం వేసుకొని దానిపై తెల్లని వస్త్రమును వేసుకొని జపం చేయుట శ్రేయస్కరం .

పీటపైన జపం చేయుట మంచిది కాదు . పీటపైన వస్త్రం వేసుకొని జపం చేయుట శ్రేష్టము .

ఓం కారం జపిస్తే          -         ఆయురారోగ్య ఐశ్వర్యములు కలుగుతాయి

గాయత్రి  జపిస్తే           -           భుక్తి , ముక్తి లభిస్తుంది .

దామోదరనామం         -           సమస్త బంధనములు తొలగిపోవును

నారాయణ మంత్రం       -           సర్వార్ధ సాధకం

పుష్కరాక్రమ                -           నేత్ర వ్యాధులు నశించును

చక్ర,                        -           సర్వ రోగములు నశించును

నృసింహ నామము      -           స్థైర్యము లభించును .

హయగ్రీవ                  -           విద్యాభి వృద్ది కలుగును

జగత్సూతి                 -           సంతాన ప్రాప్తి

జలాశయ                  -           అగ్ని దాహం తొలగును .

అనంత , అచ్యుత నామములు జపించుట వలన ధన , ధాన్య వృద్ది కలుగును .

Indian Astrology: జన్మ నక్షత్ర ఫలితము – ఆశ్రేష

Indian Astrology: జన్మ నక్షత్ర ఫలితము – ఆశ్రేష: ఆశ్రేష నక్షత్రము లో పుట్టిన వారు క్రూర స్వభావము కలిగి ఉంటారు . కోపిష్టులు . నిదానముగా ఆలోచించలేరు . వీరికి స్వార్ధబుద్ది ఉండును. పరిస్థ...

Indian Astrology: జ్యోతిష్యశాస్త్రము- అవసరము

Indian Astrology: జ్యోతిష్యశాస్త్రము- అవసరము:           శ్లోకం :   యద్దినే పతతేశుక్రః మాతృ గర్భేణ నిర్మితః                    లలాటే లిఖితే ధాతా లాభాలాభ శ్శుభాశుభః తాత్పర్యము ...

Indian Astrology: వృషభరాశి

Indian Astrology: వృషభరాశి: వృషభరాశి : ఈ రాశి వారికి ఓర్పు, సహనము ఎక్కువగా ఉండును . వీరు ఏ పని యందైనా నిదానముగా తొందర పడకుండా ఉందురు . శాంతస్వభావము అధికము . జీవితముల...

Indian Astrology: అక్షరాభ్యాసము

Indian Astrology: అక్షరాభ్యాసము: విద్యావంతుడు అనగా జ్ఞానము కలవాడు . మంచి విద్యావంతుడైన మానవుడు సమాజములో గానీ లేక దేశములో గానీ గొప్ప గౌరవ మర్యాదలు పొందుచూ ఉన్నతమైన జీ...

వృషభరాశి

వృషభరాశి : ఈ రాశి వారికి ఓర్పు, సహనము ఎక్కువగా ఉండును . వీరు ఏ పని యందైనా నిదానముగా తొందర పడకుండా ఉందురు . శాంతస్వభావము అధికము . జీవితములో ఎన్ని కష్ట, నష్టములు ఎదురైనా భయపడకుండా ఉంటారు . పరిస్థితులకు ఎదురొడ్డి నిలబడతారు .

వీరికి ఆత్మవిశ్వాసము ఎక్కువ .ఆలస్యమైనా అనుకొన్నది సాధించేవరకు పట్టు విడవరు . ఎంతటి శ్రమనైనా ఓర్చుకొని జీవితములో ముందడుగు వేయుదురు .వీరికి కళల యందు అభిమానము ఉండును . ఎదుటివారిని అర్ధం చేసుకొనుటలో వీరికి వీరే సాటి . వీరు ఎదుటి వారి మనోభావములను అర్ధము చేసుకొని వారికి అనుకూలముగా ప్రవర్తింతురు . ఎవరికీ ఏ అవసరము వచ్చిననూ సాయపడే తత్వము వీరికి ఉండును. జీవితము కొన్ని నియమ నిబంధనలతో  కూడి యుండును .

ఒక విధంగా చెప్పాలంటే వీరు క్రమ శిక్షణ కలవారు . వీరు కుటుంబ యజమాని అయితే పిల్లల పెంపకము విషయములో క్రమ పద్ధతి గా ఉందురు . ఏ విషయమునైనా క్షుణ్ణంగా పరిశీలించిగానీ నిర్ణయము తీసుకోరు . దీర్గ కాల ప్రణాళికతో వీరు ముందుకు వెళతారు . పిల్లలు , కుటుంబము , గృహము , ధనము మొదలగు విషయములలో ప్రత్యేక శ్రద్ధ కనపరచుదురు . ఈ రాశి వారు సాధారణ స్థితి నుండి ఉన్నతస్థాయికి ఎదుగుతారు .

వీరు తాత్కాలిక ప్రయోజనముల గురించి ఆలోచించరు . దీర్గకాలిక ప్రయోజనములతో ప్రణాలికా బద్దంగా ముందుకు వెళతారు . ప్రతి విషయములోనూ ఆచి తూచి స్పందిస్తారు . నమ్మిన సిదాంతమును వదలి పెట్టరు.సూక్షమైన ఆలోచన బుద్ది కలవారు . వ్యాపార రంగములో ఈ రాశి వారు ఎక్కువగా రాణింతురు . ముందుచూపు కలవారు .ఎప్పుడు ఇతరుల గురించి ఆలోచించక తమ అభివృద్ది కొరకు ప్రణాళికలు రచించుకొందురు. జీవితములో ఎదురయ్యే ప్రతి సంఘటననూ తట్టుకొని పరిస్థితులను తమకు అనుకూలముగా మార్చు కొందురు .

ప్రతి రూపాయి ఆలోచించి ఖర్చు చేస్తారు .వృధా ఖర్చులు చేయరు . సంపాదన అనేక మార్గముల ద్వారా వచ్చును .వీరు ధార్మిక కార్యక్రమముల యందు పాల్గొంటారు . వీరు చేపట్టిన దాతృత్వ కార్య క్రమములు దీర్గ కాలములో కీర్తిని సంపాదించి పెట్టును . సంఘము నందు పెద్ద పెద్ద వాళ్ళతో పరిచయాలు పెంచుకొని హుందాతనము కలిగిన జీవితాన్ని అనుభవిస్తారు . ఇతరుల అభిప్రాయములు , నిర్ణయములపై ఆధారపడరు . వీరు స్వతంత్ర నిర్ణయము కలిగి వ్యవహరింతురు .         

వివాహ పొంతన

వధూవరులకు వివాహ పొంతన చూసేటప్పుడు ముఖ్యముగా 8 కూటములను పరిగణన లో తీసుకొన్నారు .

1 వర్ణకూటమి  2 వశ్యకూటము ౩ తారాకూటమి 4  యోనికూటము 5 గ్రహకూటమి 6. గణకూటమి 7 రాశికూటమి 8 నాడీకూటమి

వర్ణకూటమి : స్త్రీ పురుషులు ఇద్దరు ఒకే వర్ణమునకు చెందిన వారయితే మంచిది.

రవి , కుజులు క్షత్రియులు , గురు , శుక్రులు బ్రాహ్మణులు , బుధ, చంద్రులు వైశ్యులు, శని శూద్రుడు, రాహు కేతువులు మ్లేచ్చులు

2 . వశ్యపొంతన : మేషరాశికి - సింహము ,వృశ్చికం, వృషభ రాశివారికి – కర్కాటక ,తులారాశులు , మిదునమునకు – కన్యరాశి, కర్కాటకరాశికి – వృశ్చికం, ధనుస్సు , సింహరాశికి – తులారాశి ,  కన్యకు – మిధున , మేషములు , తులా రాశికి – కన్య, మకరం, వృశ్చికరాశికి – కర్కాటకం ,ధనుస్సుకు – మీనము , మకర రాశికి – మేషం , కుంభం కుంభరాశికి – మేషము , మీనమునకు – మకరం ఈ విధంగా పై రాశులు వశ్యము కలిగి ఉన్నవి . వధూవరులు ఇద్దరి రాశులు వశ్య పొంతన కలిగి ఉండవలెను .

౩. తారా పొంతన : స్త్రీ జన్మ నక్షత్రమునుండి పురుషుని జన్మ నక్షత్రము వరకు లెక్కించిన సంఖ్యను 9 చే భాగించగా 1 , ౩ , 5 , 7 శేషము రాకూడదు

4 . యోనిపొంతనము : పులి – ఆవు , పిల్లి – ఎలుక , లేడి – కుక్క , గుఱ్ఱము – దున్న , పాము – ముంగిస , సింహం – ఏనుగు , కోతి- మేక  ఇవి విరోధ జంతువులు ఇంతకు ముందర నక్షత్రములు – వివరణ అను శీర్షికలో నక్షత్రములు జంతువులను గూర్చి వివరించితిని . వధూవరుల ఇరువురు నక్షత్రములు విరోధ జంతువులకు సంబంధించినవి  కాకూడదు . ముఖ్యముగా యోనిపొంతన అవసరము .

5 గ్రహకూటమి : సూర్యుడు – శని , చంద్రుడు – బుధుడు , కుజుడు –బుధుడు .గురుడు –శుక్రుడు ఈ పైన తెలిపిన గ్రహములు ఒకరికొకరు పరస్పం శత్రువులు గ్రహ కూటమి ని చూసేటప్పుడు పై విధంగా ఉండ కూడదు.

6 గణ కూటమి : ఇరువురు ఒకే గణమునకు చెందిన వారైతే నిర్భయంగా వివాహము చేయవచ్చును . ఒకరిది దేవగణం , మరియొకరిది రాక్షస గణమైన కొద్ది ఇబ్బండులున్ననూ చేయవచ్చును , రాక్షస మానుష్య గణములు మృత్యుప్రదమని సూచించిరి . కానీ ప్రస్తుత కాలములో గణ పొంతన వలన అంత అపాయములు జరుగుటలేదు . 

7. రాశి పొంతనము : వధూ వరుల ఇరువురి రాశులు పరస్పరం మిత్రత్వము కలిగి ఉండవలెను . స్త్రీ రాశి నుండి పురుష రాశి 7 రాశుల కన్నా ఎంత ఎక్కువ ఉంటె అంట మంచిది . దీనినే స్త్రీ దీర్గ పొంతన అని అందురు . ఇరువురి రాసులలోనూ ద్వి, ద్వా దశము , షష్ఠ , అష్టకములు కాకూడదు . ఇది చాలా చాలా ముఖ్యము , ద్వి ద్వా దశము వలన అంతగా ప్రమాదము జరుగుట లేదు కానీ , షష్ట అష్టక స్థితి వలన చాలామంది , విడాకులు తీసుకోవడమో ,,అనారోగ్యము పొంది జీవితము అంధకారమగుచున్నది . ఒక్కొక్కప్పుడు ప్రాణ నష్టము సంభవించు చున్నది .    

8 నాడీపొంతనము : వధూవరులు ఇద్దరూ వేర్వేరు నాడులకు చెందిన వారై ఉండాలి . ఏక నాడియందు వివాహము చెయ్యరాదు .

“ఆద్యే సుత హత: ,అంత్యే ధన హత: మధ్యే వనితా పతి వియోగ : “

అని చెప్పబడిన కారణము వలన దంపతులు ఇరువురు ఆది నాడికి చెందిన వారైతే సంతాన నష్టము కలుగునని , అంత్య నాడికి చెందిన వారైతే ధనమునకు ఇబ్బంది ఏర్పడుననీ , మధ్యనాడి చెందిన వారైతే స్త్రీ పురుషుల మధ్య వియోగము ఏర్పడునని , ఎడబాటు కలుగుననీ చెప్పితిరి .

కావున ప్రతి ఒక్కరు వివాహ పొంతనలను చూసుకొని వివాహము జరుపుకొనుట వలన దాంపత్య జీవితము హాయిగా ఉంటుంది .