పంచ మహా పురుష యోగములు - 5 Lucky Yogas

రుచక మహా పురుష యోగము

జన్మ లగ్నము నుండి కేంద్ర స్థానము లలో  కుజుడు స్వక్షేత్రము న గానీ, ఉచ్చ స్థానము లో గానీ ఉన్నప్పుడు  రుచక యోగము ఏర్పడును . ఇటువంటి యోగములో పుట్టిన వారు ఉన్నత పదవులను పొందెదరు. అధికారులు అగుదురు , సైన్యాధ్యకులు గా సైన్యమునకు ఆధిపత్యము వహింతురు విద్యుత్తు రంగములో పెను మార్పులను తీసుకు రాగలరు . రక్షణ శాఖల యందు , ఇంజనీరింగు శాఖల లోను , ఉన్నత అధికారమును పొందుతారు .

పెద్ద , పెద్ద వైద్యులు గా పేరు పొందుటయే కాక శస్త్ర చికిత్స నిపుణులు గా పేరు గాంచెదరు .

భద్ర మహా పురుష యోగము

జన్మ లగ్నము నుండి కేంద్ర స్థానము లలో బుధుడు  స్వక్షేత్రము న గానీ, ఉచ్చ స్థానము లో గానీ ఉన్నప్పుడు భద్ర యోగము ఏర్పడును .ఇట్టి యోగమున జన్మించిన మానవులు గణిత శాస్త్రము నందు మేధావులు , ఆర్ధిక శాస్త్ర నిపుణులు అగుదురు .వీరు బ్యాంకుల యందును , ఆర్ధిక సంస్థల లోనూ ఉన్నత పదవులు అలంకరింతురు. . పండితులుగా రాణింతురు. పూజ్యత , ధన సమృద్ధి కలిగినవారు  .

హంస మహా పురుష యోగము

జన్మ లగ్నము నుండి కేంద్ర స్థానము లలో  గురుడు స్వక్షేత్రము న గానీ, ఉచ్చ స్థానము లో గానీ ఉన్నప్పుడు హంస యోగము ఏర్పడును . ఇలాంటి యోగమున  పుట్టిన మానవులు , దయా గుణము కలవారు, ధర్మ స్వభావము కలవారు , పండితులు , పరోపకారము చేయువారు . రాబోయే తరాల వారికి కలుగు మేలును గురించి నూతన విషయములను కనిపెట్టువారు , దైవత్వము కలవారు ,గొప్ప అధికారము కలిగి ఉన్నత స్థానములను పొందుదురు .

మాలవ్య మహా పురుష యోగము

జన్మ లగ్నము నుండి కేంద్ర స్థానము లలో  శుక్రుడు స్వక్షేత్రము న గానీ, ఉచ్చ స్థానము లో గానీ ఉన్నప్పుడు  మాలవ్య యోగము ఏర్పడును . ఈ యోగములో పుట్టిన వారు కళా రంగమును అభి వృద్ది చేయువారు , గొప్ప కళాకారులుగా పేరు సంపాదింతురు. మంచి గృహ యోగము కలిగి సర్వ సుఖములు అనుభవింతురు . భోగములు అనుభవించు వారు ఆభరణ ప్రేమికులు , మృదు స్వభావి ,, సంగీత , సాహిత్య రంగములలో , నటనా రంగములలో విశేష గుర్తింపు పొందెదరు .

శశ మహా పురుష యోగము

జన్మ లగ్నము నుండి కేంద్ర స్థానము లలో శని స్వక్షేత్రము న గానీ, ఉచ్చ స్థానము లో గానీ ఉన్నప్పుడు  శశ  యోగము ఏర్పడును .  ఇటువంటి యోగమున జన్మించిన మానవులు సాధారణ కుటుంబము లో జన్మించిన వారైనా జీవితములో అత్యునత స్థాయిని పొంద గలరు . వీరు స్వయం శక్తి తో ఉన్నత శిఖరము లను అధిరోహించెదరు .ఇట్టి వారు రాజకీయము లందు రాణింతురు. ఈ యోగ ప్రభావముచే ఉహించని విధంగా ఉన్నత పదవీ యోగము కలుగును . వీరు విశేష ధనమును పొంది భోగ భాగ్యములను అనుభవింతురు . పెద్ద పెద్ద పరిశ్రమలను స్థాపించి వ్యాపార వేత్తలుగానూ ,విశేష  కీర్తిని సంపాదిస్తారు.

  

నవ రత్నములు – విశేషములు 1 ( కెంపు)

జాతకము నందున్న దోషము లను తెలుసు కొని రత్నము లు ధరించుట వలన గ్రహ దోషము లు తొలగి దీర్గాయు రారోగ్త్యములు ,అభివృద్ది , ధన సమృద్ధి కలిగి మానవుడు సుఖ సంతోషములను పొందును .

సూర్య భగవానుని ప్రతి రూపమే కెంపు . ఈ కెంపును ధరించుట వలన ధైర్య సాహసము లు పెరుగును . గట్టి పట్టుదల కలిగి అనుకొన్నది సాధించ గలరు . రాజకీయము లందు రాణించెదరు . సంఘం నందు గౌరవ మర్యాద లు పెరుగును . సాన పట్టిన కొలది కాంతి వంతము గా ఉండే కెంపు చాలా ప్రశస్త మైనది. శ్రీలంకలో దొరుకు కెంపు చాల ప్రశస్త  మైనదని అందురు .

ఈ కెంపు లలో మాణిక్యము,  పద్మ రాగము , సౌగందిక,ము , కురు విందము , మాంసగంధి, నీలగంధి, లాలు గంధి అను పేర్లు కలవు .ఇది ఎరుపు రంగులో ఉంటుంది . బీటలు , పగుళ్ళు లేని కెంపును ధరించుట మంచిది .

సరియైన కెంపును అగ్ని లో పెట్టి కాల్చి ననూ పగలదు. చల్ల బడగానే బూడిద రంగును పొందును . కొంత సేపటికి ఆకు పచ్చ రంగుతో కనపడును . పూర్తిగా చల్లబడి నపుడు . ఉదయించు సూర్యుని వలె ఎరుపు రంగును పొందును .

ఈ విధమైన కెంపు ప్రసిద్ధ మైనది.

రత్నములు ధరించుట కు వివిధ రకముల పద్దతుల ను అనుసరించు చున్నారు.

నవ గ్రహము లకు రాజు సూర్యుడు కనుక సంఖ్యా శాస్త్రము ప్రకారము 1 సూర్యుని సంఖ్య.

1 , 1 0, 19, 28 తేదీ లలో జన్మించిన వారు.,  కృత్తిక , ఉత్తర , ఉత్తరాషాడ , నక్షత్రము లలో జన్మించిన వారును , మరియు సింహ రాశి , సింహ లగ్నములలో జనించిన వారు ఈ రత్నమును ధరించుట మంచిదని మహర్షులు చెప్పితిరి           

నిషిధ్ధ నవమీ త్రయం

 నిశిధ్ధ నవమి అంటే ఎమిటి ?
నిషిద్ధము అంటే విడచి పెట్టబడునది అని అర్ధము .
నవమీ త్రయము అనగా ఎదైనా ఒక తిధి నుండి తొమ్మిదవ తిధి , ఒకనక్షత్రము నుండి తొమ్మిదవ నక్షత్రము , ఒక రోజు నుండి తొమ్మిదవ రోజు వీటినే నవమీ త్రయము అని అంటారు.

ముఖ్యమైన పనులకొరకు , వివాహాది సంబంధములుకు ప్రయాణమై వెళ్ళునపుడు, కొత్త పెల్లి కూతురు, గర్భవతిగా ఉన్నప్పుడు, అలాగే చంటి బిడ్డతో తొలిసారి అత్తవారింటికి వెళ్ళునపుడు, తిరిగి ప్రయానము చేయాల్సి ఉంటే అలాంటి సమయములో పైన తెలిపిన విషయములను తప్పక పాటించాలి.

ప్రయాణమై బయలుదేరిన తిధి నుండి తొమ్మిదవ తిధి, బయలు దేరిన రోజునుండి తొమ్మిదవ రోజు, బయలుదేరిన నక్షత్రము నుండి తొమ్మిదవ నక్షత్రమున తిరుగు ప్రయాణము చెయ్యకూడదు. దీనినే నిషిద్ద నవమీ త్రయము అని అందురు. అట్లు చేయుట వలన అశుభము కలుగును.

రుద్రాక్షలు – ఫలితములు

రుద్రాక్షలు – ఫలితములు

భారత దేశములో రుద్రాక్షలను ధరించుట అనాదిగా ఉన్నది . పూర్వకాలము నుండి  మునులు,  మహర్షులు రుద్రాక్షలను ధరించడం గురించి పురాణము ల ద్వారా తెలియు చున్నది .

రుద్రుని ( శివుని కన్నుల ) యొక్క అక్షము నుండి పుట్టినది గాన దీనికి రుద్రాక్ష అని పేరు వచ్చింది . మనకు లభించు చున్న రుద్రాక్షలలో ఏకముఖి నుండి మొదలుకొని అనేక ముఖములు గల రుద్రాక్షలు ఉంటున్నాయి .

రుద్రాక్ష శివుని స్వరూపము . ముఖ్యముగా శివుని ఆరాధకులు , శివ భక్తులు రుద్రాక్ష ను ధరించుట మంచిది . అంతే కాకుండా రుద్రాక్షను ధరించుట వలన సకల పాపాలు నశిస్తాయి . భగవత్ అనుగ్రహము తొందరగా కలుగుతుంది .

ఏ ముఖము కలిగిన రుద్రాక్ష ఎలాంటి ఫలితమును ఇస్తుంది . అనే విషయమును తెలుసుకుందాం .

ముఖము	స్వరూపము	ఫలితము
ఏక ముఖి	శివ స్వరూపము	బ్రహ్మ హత్యా దోషము తొలగును
ద్వి ముఖి	పార్వతి పరమేశ్వరులు	గోవధాది దోషము పోవును
త్రి ముఖి	అగ్ని స్వరూపము	జన్మాతః పాపములు నశించును
చతుర్ముఖి	బ్రహ్మ స్వరూపము	నరహత్యా పాపము తొలగును
పంచ ముఖి	కాలాగ్ని రూపము	వెడలని పాపము నశించును
షణ్ముఖి	గుహుని స్వరూపము	భ్రూణ హత్యాది పాపము పోవును
సప్త ముఖి	అనంత రూపము	దొంగతనము చేసిన పాపములు
అష్ట ముఖి	వినాయక రూపము	అసత్యము వలన కలిగిన పాపములు
నవ ముఖి	భైరవ రూపము	శివ సన్నిధికి చేర్చును
దశ ముఖి	విష్ణు స్వరూపము	భూత , ప్రేత , పిశాచ భాధలు నశించును
ఏకాదశ ముఖి	రుద్రా స్వరూపము	యజ్ఞా ఫలము కలుగును
ద్వాదశ ముఖి	సూర్య స్వూపము	సమస్త రోగములు నశించును
త్రయోదశముఖి	లక్ష్మీ స్వరూపము	సమస్త కోరికలు తీరును
చతుర్దశ ముఖి	శ్రీకంట స్వరూపము	సత్ సంతానము కలుగును