గోచారరీత్యా జన్మరాశి నుండి చంద్రుడు పన్నెండు రాశులలో సంచరించు సమయమున కలిగే
శుభాశుభములు
. శ్లోకము :శరీర సౌఖ్యమారోగ్యం సంతోషో ధనమున్నతి:
మృష్టాన్న భోజనం
సంగం సన్మానం జన్మగేవిధౌ
జన్మరాశిలో చంద్రచారము జరుగుచున్నప్పుడు
శరీరమునకు సుఖము ఆరోగ్యము సంతోషము గౌరవములు కలుగును . మంచి భోజన సౌఖ్యము కలుగును
ధనసంపాదన బాగుంటుంది .దంపత్యము ఆనందముగా సాగుతుంది .
శ్లోకము
: అంతఃక్లేశ ధనచ్చేద వ్యయద స్సర్వదోషదః
కుభోజనం
దేహజాడ్యం ద్వితీయ స్థానగో విధు:
రెండవరాశిలో చంద్ర సంచార వేళ మానసిక ఉల్లాసము
లేకపోవడము ధన వ్యయము ,మరియు శారీరక సౌఖ్యము లేక అనారోగ్యము కలుగును .
శ్లోకము
: అర్ధలాభో వస్త్రలాభ శ్చిత్తసౌఖ్యం మనోద్రుతి:
కాన్తాభి
రిష్టసల్లాపః తృతీయ స్తానగే విదౌ
మూడవరాశిలో చంద్రుని సంచారము జరుగుచున్నప్పుడు
ధనలాభము కలుగును మంచి వస్త్రములు లభించును. మనస్సున సౌఖ్యముగా ఉండి స్త్రీలతో
ఆనందముగా ఉంటారు .
శ్లోకము
:చిత్తభ్రంశం బంధువైరం బుద్ది చాంచల్య మేవచ
కర్మ
వైకల్ప్య కార్యంచ చతుర్ధ స్థాన గతో చంద్రః
నాల్గవ రాశిలో చంద్రసంచారము ఉన్నప్పుడు బుద్ది
హీనత , చుట్టములతో విరోధము ఏర్పడును . మనస్సున ఆందోళనగా ఉండును . చేప్పట్టిన
కార్యములు చెడును .
శ్లోకము
: వాతాదిక్యం సదాలస్యం మనఃపీడా భయం తదా
ఇష్టార్ధ
నాశం కురుతే పంచామక్శే యధా చంద్రః
పంచామరాశిలో చంద్ర చారము జరుగుచున్నప్పుడు వాతము
వలన రోగములు , మనస్సున సంకటము , చేయు పనులయండు ఆటంకములు కలిగి నాశనమగును .
శ్లోకము
: స్వస్థానం ప్రాప్తిమారోగ్యం మర్ధలాభం యశోముదం
స్త్రీ
సల్లాపం ధర్మ సిద్ధం షష్ఠగో మృగలాంచనః
ఆరవరాశి లో గోచార రీత్యా చంద్ర సంచారము జరుగు
చున్నప్పుడు స్వస్థాన ప్రాప్తించును , మంచి ఆరోగ్యము , సంతోషము కలిగి పుణ్య
కార్యముల వలన సంతోషములను పొందుతారు .
శ్లోకము
: మనస్సౌఖ్యం యశోవృద్ధిం సౌభాగ్యంచ ధనాగమం
స్త్రీ
సౌఖ్యం దేహ సౌఖ్యంచ సప్తమస్థో యధా విధు:
ఏడవ రాశిలో చంద్ర సంచార వేళ నెమ్మదిగా ఉందురు
కీర్తి ప్రతిష్టలు కల్గును , గౌరవ మర్యాదలుపెరుగును , శరీర సౌఖ్యము , స్త్రీ
సౌఖ్యమును పొందుతారు .
శ్లోకము
: అజీర్ణామయ సంతాపం జాను భాదాం తధైవచ
కుభోజనం
దేహ జాడ్యం పీడా చాష్ట మగశ్శశీ
అష్టమ రాశి చంద్ర సంచారము వలన అజీర్ణ వ్యాధులు
సంభవిన్చును . , ఉత్సాహము లేకపోవడం , అనారోగ్యము ఏర్పడి సరియైన భోజన వసతి లేక వేదన
కలుగును .
శ్లోకము
: వస్త్ర నాశం పుత్రవైరం ప్రవాసం వ్యాధి పీడనం
ఉద్యోగ
భంగం కలహం నవమస్తో యధావిదు:
తొమ్మిదవ రాశిలో చంద్రుని సంచారము
జరుగుచున్నప్పుడు వస్త్రములు నాశనమగును . పుత్రులతో విరోధము ఏర్పడును . గృహమును
వదలి అన్య ప్రదేశముల యందు నివాసము చేయ వలసి వచ్చును . అనారోగ్యముల వలన భాధలు ,
ఉద్యోగమునకు హానీ కలుగ వచ్చును .
శ్లోకము
: ఇష్ట సిద్ధి స్సదారోగ్యం బంధు సంతోష భోజనం
దశామస్థో
యదా చంద్రః యత్న కార్యార్ధ సాధనం
దశమ స్థానమున చంద్రుడు సంచరించునపుడు కోరిన
కోర్కెలు నెరవేరును చుట్టములతో సంతోషముగా గడుపుదురు .ప్రయత్నించి న కార్యములు
సఫలము చెందును .
శ్లోకము
:మనస్సౌఖ్యం సదానంద: ఇష్ట గృహ సుభోజనం
ధన
ధాన్యాది లాభాస్యాత్ చంద్రుచైకాదశంగతే
పదకొండవ రాశి సంచారము వలన మనస్సున సుఖము , ఆనందం
, తన సన్నిహితులతో కలసి ఇంటి యందు మంచి భోజనము చేయుట , ధన ధాన్య లాభములు చంద్రుని
వలన కలుగును .
శ్లోకము
: చిత్తభ్రంశో మానహాని: బంధు వైరం ధనక్షయం
ద్వాదశస్థో
యదాచంద్రో దేహాలస్యం మహద్విపత్
పన్నెండవ రాశి సంచారము లో ఉన్న చంద్రుని వలన కలతలు
, అవమానములు , కష్టములు , తగవులు మొదలగు ఫలితములు కలుగును .
No comments:
Post a Comment