ఏలిన నాటి శని అంటే ఏమిటి ?
శని గ్రహము విశ్వమును చుట్టి వచ్చుటకు ముప్పై సంవత్సరములు పడుతుంది . శని గ్రహము తనకక్ష్యలో
పరి భ్రమణము చేస్తూన్నప్పుడు ఒక్కొక్క
రాశిలో రెండున్నరసంవత్సరముల చొప్పున పన్నెండు రాశులలో ౩౦ సంవత్సరములు పడుతుంది .
ఇలా సంచరిస్తున్నప్పుడు ౩౦
సంవత్సరములలో ఏడున్నర సంవత్సరములు ప్రతి మానవుని భాధిస్తాడు . ఎవరికైనా జన్మ రాశితో పాటు , జన్మరాశికి ఇరువైపులా ఉన్న
రాశులలో శని సంచరించు కాలమును ఏలిన నాటి శని అంటారు .
శనిగ్రహము అనేక రకముల
కష్టములను , భాధలను , నష్టముల ను కలుగ చేస్తుంది .
వ్యక్తీ జన్మ రాశికి వెనుక
నున్న రాశికి అనగా తన జన్మ రాశినుండి పన్నెండవ రాశిలో శని గ్రహము ప్రవేశించి నపుడు
ఏలిన నాటి శని ప్రారంభము అవుతుంది . ఈ ఏలిన నాటి శని జరుగు చున్న వారు
అన్నిరకాలుగా అప్రమత్తముగా ఉండాలి . ఎప్పుడూ ఏదో ఒక సమస్య ఎదురగు చుండును .
ఆర్ధికపరమైన నష్టములు
కలుగును . విద్యార్ధులకు విద్యలో ఆటంకములు కలుగుతాయి .పరీక్షలు తప్పుతారు .
ఉద్యోగులు పని భారము ఎదుర్కొంటారు . పై అధికారుల ఒత్తిడి ఉంటుంది . ఒక్కొక్క సమయములో
సస్పెన్షన్ అవడము , ఉద్యోగము కోల్పోవడం జరుగుతుంది
వ్యాపారులు ఆర్ధిక విషయములలో
చాలా జాగ్రత్త వహించుట అవసరము . వ్యాపారము నత్తనడకన సాగుతుంది . అప్పులు పెరుగుతాయి
. కొంత మందైతే నష్టములను భరించలేక
వ్యాపారములు దివాళా తీస్తారు . రాజకీయ నాయకులు పదవీ గండము కలుగుతుంది. అన్నిరంగముల వారు ఈ ఏలిన నాటి శని జరుగు
చున్నప్పుడు అనేక విధముల భాధలను ఎదుర్కొంటారు .
ముఖ్యముగా ఏలిన నాటి శని జరుగు
చున్నప్పుడు బంధువులతో విరోధము కలుగును .అందరూ దూరమవుతారు . మిత్రులే
శత్రువులవుతారు . గృహము నందు అసౌఖర్యము కలుగుతుంది . తన కుటుంబమునకు సంభందించిన
వారికి గానీ , తన బంధు వర్గమునకు సంభందించిన వారికి గానీ మరణము సంభవించును .
ఈ ఏలిన నాటి శని జరుగుచున్న
వారు ప్రయాణములలో చాలా చాలా జాగ్రత్త వహించుట మంచిది . యాక్సిడెంట్ లు జరగడము ,
కాళ్ళు , చేతులు విరగడము జరుగుతుంది. ఆయాసముతో కూడి బ్రతుకు భారముగా నడుస్తుంది .
No comments:
Post a Comment