శ్లోకం : చిత్తభ్రంశో
బందువైరం కాలాతిక్రమ భోజనం
వివాదః
దుష్ట సంసర్గం చంద్ర రాశీ గతే బుధే.
జన్మ రాశిలో బుధుడు సంచరించుచున్నప్పుడు బుద్ది
వైకల్యము కలుగును బంధువులతో శత్రుత్వము పెరుగును . తగవులు వచ్చును దుర్మార్గులతో
సహవాసము చేయుదురు .
శ్లోకం : మణిమూలార్ధ
లాభంచ సదా సౌఖ్యం నరస్యచ
నిత్యారోగ్యంచ
సద్గోష్టి: ద్వితీయ స్థానగే బుధే
రెండవ రాశిలో బుధుడు సంచరించు వేళ మానవునకు మణులు
, మాణిక్యముల మూలకముగా మరియు ఇతర మార్గముల లోనూ ధన ప్రాప్తిని పొంద గలరు . మంచి
ఆరోగ్య వంతులై సుఖముగా ఉంటారు .
శ్లోకం : అర్ధహానః
రాజకోపం జ్ఞాతివైరం తధా స్మృతి:
బుద్దిజాడ్యం
మనస్తాపః సహజ స్థానగే బుధే
తృతీయ రాశికి గోచారములో బుధుడు వచ్చినపుడు ధన
నాశనము కలుగును ప్రభుత్వమూలకముగా ఇబ్బందులు ఎదురుకాగలవు . జ్ఞాపక శక్తి
మందగించును. బుద్ది జాడ్యము , మనస్తాపము కల్గును .
శ్లోకం : మాతృ
సౌఖ్యంచ సంతోషః ధనన్య వివర్ధనం
బుద్ది
ప్రారంభ కార్యస్య సిద్దిర్భందు గతే బుధే
నాలుగవ రాశిలో బుధ సంచారము జరుగుచున్నప్పుడు
తల్లికి సౌఖ్యము సంతోషము కల్గును . ధన ధాన్యములు వృద్ధి అగుటయే కాక అనేక విధముల
లాభము కలుగును . తను స్వశక్తిచే ప్రారంభించిన పనులు విజయవంటముగా పూర్తగును .
శ్లోకం : సర్వాంగే
షూస్మ సంతాపః సర్వ దోషైశ్చ మారణం
అకస్మాత్
కలహా శ్చైవ పంచ మస్తే బుధే భవేత్
పంచమ రాశిలో బుధుడు గోచార రీత్యా సంచారము
చేయునపుడు శరీర అవయవముల యందు ఉష్ణ తాపము జ్వరాది భాధలు , మరణ సమాన ఫలితములు ,
ఆకస్మికముగా కలహములు ఏర్పడును .
శ్లోకం : వస్త్రలాభో
ధాన్యలాభః ధనలాభో మనోధృతి:
విద్యా
వినోద సౌఖ్యంచ రిపు స్థాన గతే బుధే
ఆరవ రాశిలో బుధుని సంచారము వలన వస్త్రలాభము , ధన
,ధాన్య లాభములు మనస్సున ధైర్యము విద్యా వినోదము , సకల కార్యములు నెరవేరును .
శ్లోకం : దౌర్భాగ్య
మర్ధనాశశ్చ ప్రభుక్రోధ: కురూపణం
సర్వాంగ
జాడ్యముష్ణన్చ సప్తమ స్తానగే బుధే
ఏడవ ఇంట బుధ సంచారము జరుగు చున్నప్పుడు దౌర్భాగ్యము
, ధన నాశనము , ప్రభుత్వ అధికారుల కోపమునకు గురియగుట , సౌందర్య హానీ , అనారోగ్య
సూచితము రోగపీడ చే భాద పడుదురు .
శ్లోకం : దేహ
జాడ్యం మనస్థాప: వ్యాకులం చాల్పభోజనం
అనృతమ్
భయ మిత్యాహు రష్టమస్తే భవేద్భుదే
ఎనిమిదవ రాశిలో గోచారము రీత్యా బుధ సంచారము
ఉన్నప్పుడు శారీరక సౌఖ్యము లేక పోవడము మనో విచారము భయము కలుగుట , స్వల్పముగా
భుజించుట , నిందారోపణలు కలుగుట జరుగును .
శ్లోకం : దేహాలస్యం
యశోహానీ స్వకర్మ పరపీడనం
అరోచ
భోజనమ్ పిత్తం నవమస్తే భవేద్బుదే
తొమ్మిదవ రాశిలో గోచారము వలన బుధుడు సోమరి తనము ,
ఇతరులను భాధ పెట్టుట ,రుచి లేని పదార్ధములను భుజించుట , పైత్య సంభంద రోగములను అనుభవించునట్లు
చేయుచున్నాడు
శ్లోకం : అపవాదః
దూషణమ్చ అన్నసౌఖ్య నిరాకృతి:
ఆలస్యం
తాపనం చైవ దశమస్తే భవేద్బుదే
బుధుడు పడవ రాశి సంచారము చేయునపుడు అపవాదులు
కలుగును భోజన సౌఖ్యము లేకపోవుట ఇతరులచే నిందింప బడుట మనో విచారము ప్రబలి ఉండును.
శ్లోకం : ఆరోగ్యం
అర్ధ లాభశ్చ మనఃప్రీతి: సుఖంభవేత్
బంధుప్రీతి
ర్యశోవృద్ధి ర్లాభే చైకాదశే బుధః
పదకొండవ రాశిలో బుధ సంచార వేళ అన్ని విధముల మనసున
సంతోషము కలుగును , అర్రోగ్యము ధనలాభము , సౌఖ్యములతో హాయిగా ఉంటారు బంధువుల మధ్య
మంచి సంబంధ భాంధవ్యములు కలుగును .,
శ్లోకం : సౌఖ్యహానీ
ర్మనః క్లేశః కృషి భోజన మల్పశ్చ:
నిత్య
సంవాద దారిద్ర్యం ద్వాదశ స్తానగే బుధే
పన్నెండవ రాశిలో గోచారము రీత్యా బుధ సంచారము జరుగు
చున్నప్పుడు సౌఖ్యము ఉండడు . మానసిక ఆనందమునకు లోటు కలుగును . ధనమునకు నష్టము
కల్గును . భోజన సౌఖ్యము ఉండదు . కలహములు ఏర్పడును . దరిద్రమును అనుభవిస్తారు.
No comments:
Post a Comment