కుజదోషము - గురుని అనుగ్రహము

కుజ దోషము వలన వివాహ సంబంధ విషయము లలో మానవునకు అనేక విధములుగా సమస్యలు ఎదురగు చున్నవి . అందరి జాతకము ల లోనూ  కుజుడు ఉంటాడు . ప్రాధమికంగా జాతక పరిశీలన చేసి నపుడు కుజ దోషం ప్రతి వంద  మంది లో సుమారు ఎనభై మందికి ఉంటుంది . అలా అని ప్రతి ఒక్కరికి సమస్యలు ఎదురగుట లేదు.

మరి ఈ కుజ దోషము ను గురించి మహర్షులు ఇంత లోతుగా ఎందుకు  అధ్యయనము చేసి యున్నారు .

 ఎందువలన అంటే కుజుడు దోష స్థానములో ఉన్నప్పటికీ  గురు గ్రహము యొక్క కలయిక గానీ , దృష్టి గానీ ఉన్నప్పుడు మరియు కుటుంబ స్థానము , కళత్ర స్థానము శుభప్రదము గా ఉన్నప్పుడు కుజుని దోష తీవ్రత తగ్గి దంపతులు సుఖ జీవనము గడుపుతారని మహర్షుల చే చెప్ప బడినది .

కుజుడు ముఖ్యము గా సంసార జీవితము లో సమస్యలను సృష్టించును . అలా అని కుజుడే లేకపోతే మానవునకు సంసార వాంఛ ఉండదు . 

ఉదా : పొయ్యి పై ఒక పాత్రలో నీటిని పోసి మరగించి నపుడు ఆవిరి అవుతుంది .నీరు రూపాంతరము చెందింది . 

మానవ శరీరములో కామమునకు శుక్రుడు ఆధిపత్యము వహించును . ఇక్కడ శరీరములో నిద్రాణమై ఉన్న కోరిక ను రగిల్చే వాడు కుజుడు .  కుజుడు ప్రభావము వలన కోరిక కలిగి సంసార సుఖము ను అనుభవింతురు . తద్వారా జీవి ఉత్పత్తి జరుగుతుంది . అనగా పిల్లలు పుడతారు . ఈ విధముగా సృష్టి లో మానవుని  ఉత్పత్తి జరుగుట కు మూల కారకుడు కుజుడు.  .

కుజుడు మరియు శుక్ర గ్రహములు  సరియైన స్థితి లో ఉండవలెను . అట్లు లేని యెడల కామ వాంఛ  ఎక్కువగా ఉండును . ఒక్కొక్కప్పుడు ఈ విధమైన గ్రహ స్థితులు బాగుగా లేనివారు వ్యభిచారులు , మరియు దుష్ప్రవర్త న కలిగి ఉంటారు . అట్లు ఉండుట వలన కుటుంబ మర్యాద గంగ లో కలసి పోవును . భార్యా భర్త మధ్య స్పర్ధలు ఏర్పడి దాంపత్యము ముక్కలగును 

గురుడు బుద్ధికి , జ్ఞానము నకు కారకుడు , ఈయన వైద్యుని తో సమానము , జబ్బు చేసిన మానవుని  తిరిగి నయం చేసి ఆరోగ్య వంతుడిగా చేయగల శక్తి వైద్యునకు ఏ విధంగా ఉంటుందో , అదే విధంగా  కుజుడు వలన కలుగు దుష్ప్రవర్తన , దురాలోచనలను , దూరం చేసి మానవునకు వివేకాన్ని , బుద్ధిని , జ్ఞానాన్ని ప్రసాదించి సత్ప్రవర్తన తో నడచునట్లు చేయును .