పిల్లలు పుట్టిన సంవత్సరమునకు పుట్టిన
రోజు జరుపుకొను ఆచారము ఉన్నది .. శాస్త్ర ప్రకారము అయితే పిల్లలు జన్మించిన నాటి
తిధిని తెలుసుకొని తిధి ప్రకారము జరుపుకోవాలి. కానీ ప్రస్తుత కాలములో ఇంగ్లీషు తేదీ ప్రకారము
చేయుచున్నారు . అంతే కాకుండా పుట్టినరోజు
పండగను చాల ఆర్భాటముగా చేస్తున్నారు .
ప్రతి సంవత్సరము పిల్లలు పుట్టిన రోజున మొదట
దైవ దర్శనము చేయించాలి . శాస్త్రోక్తముగా అభిషేకములు , అర్చనలు చేయించాలి .
ముఖ్యముగా శివాలయములో జరిపించాలి . ఎందుకంటే శివుడు మృత్యుంజయుడు కదా . పిల్లలకు
బాలారిష్టములు , గ్రహ దోషములను తొలగించి దీర్గాయురారోగ్యములను ప్రసాదిస్తాడు .
వీలయినంత మందికి అన్నదానము చేయాలి . ఈ విధముగా చేయుట వలన పిల్లలకు మంచి ఆరోగ్యము
కలిగి సుఖంగా ఉంటారు .
తదుపరి మీ మీ ఆర్ధిక స్తోమతలను బట్టి స్నేహితులను
, బంధువులను , ఇరుగు పొరుగు వారిని ఆహ్వానించి హంగు , ఆర్భాటములతో కేక్ కటింగు
,మొదలగు ఏర్పాట్లు చేసుకోవచ్చు .
No comments:
Post a Comment