జన్మ నక్షత్ర ఫలితము _ పుబ్బ

పుబ్బ నక్షత్రమున జన్మించిన వారు అలంకారములన్న ఇష్టము కలిగి యుందురు . సినిమాలు , సాహిత్యము రచనా , నాటక రంగములలో బాగా రాణిస్తారు . వీరి జన్మ నక్షత్ర అధిపతి శుక్రగ్రహము . అందు వలన సంగీతాది విద్యలలో ప్రవేశము ఉంటుంది . సంప్రదాయములను పాటిస్తారు . దూర దృష్టి కలవారు . ముందు వెనుకలు ఆలోచించకుండా ఏ పనీ చెయ్యరు . ధనవంతులు, చేసిన మేలును , ఇతరుల వలన కలిగిన ఉపకారమును మరచి పోతారు .

స్వార్ధముఎక్కువ. అవకాశవాదులు . తనకు హాని జరిగితే పగబట్టి మరీ కక్ష తీర్చుకొంటారు . స్త్రీ సౌఖ్యమునకై అల్లాడుచుందురు. ఇతరులకు సహాయ పడరు . ప్రతి పనిలోనూ లాభము కలుగ వలెననీ అనుకొంటారు. బుద్ది ,విచక్షణ జ్ఞానమును , తెలివి తేటలను ఉపయోగించి  బ్రతుకుతారు . శారీరకముగా కష్టపడుటకు ఇష్ట పడరు . కొన్ని అవలక్షణములు ఉన్నా దానగుణము కలవారు . దైవముపై నమ్మకము ఉంటుంది . కానీ చెప్పే మాటలకు , చేసే పనులకు సంభందము ఉండదు .

నీతి వాక్యాలను వల్లిస్తారు . మనసు విప్పి మాట్లాడరు. లోపల ఉన్న విషయమొకటి పైకి మాట్లాడేది మరొకటి గా ఉంటుంది . ధనమే ముఖ్యము అను మనస్తత్వముతో ఉంటారు . వాహన సౌఖ్యములు పొందుతారు . గృహ నిర్మానాది యోగములు కలవారు . సుగంధ ద్రవ్యములు , ఫల పుష్పములు మొదలగు వాటిపై మక్కువ ఎక్కువ .

ఏ విషయమైనా కావచ్చు గానీ ఒకటికి పదిసార్లు లేక్కవేసుకొని లాభ నష్టములను విచారించి ముందుకు వెళతారు .భక్తీ , ముక్తి మొదలగు విషయముల గురుంచి అనర్గలముగా మాటలాడుటలో నేర్పరులు . శారీరక సౌందర్యము కలవారు . ఎప్పుడు నూతన వస్తువులను ఇష్టపడతారు . పాత వస్తువులను , పాత పద్దతులను ఇష్టపడరు . ఎంత సేపు వీరు తమ సౌఖ్యమున కొరకే పాటు పడతారు .

తొందరగా ఆకర్షితులు కాగలరు . పేకాట , త్రాగుడు , అక్రమ సంభంధములు మొదలగు వ్యసనములకు బానిసలు కాగలరు . జాగ్రత్త వహించినచో జీవితమున అన్ని విధములుగా అభివృద్ది సాధించ గలరు .