తెలుగు జాతిపై ఏలిననాటి శని

ఏలిన నాటి శని ప్రభావమును గురించి ఇంతకు ముందు కొంత తెలుసు కొన్నాము.

తెలుగు అనే పదం లో మొదట ‘’తె ‘’ అను అక్షరం వస్తుంది .  ఇది విశాఖ నక్షత్రము తులా రాశికి చెందినది .

ఎవరికైనా ఏలిన నాటి శని జరుగుచున్నప్పుడు ఫలితములు చాలా ఇబ్బందికరముగా ఉంటాయి .అది వ్యక్తికైనా , కుంటుంబం కైనా వ్యవస్తలకైనా లేక సంస్థలకైనా లేక ప్రాంతాలకైనా ఫలితము ఒకేలా ఉంటుంది .

సాధారణముగా ఏలిననాటి శని జరుగు చున్నప్పుడు ఆర్ధిక పరిస్థితులు బాగా లేకపోవడం , కుటుంబములో గొడవలు , యాక్సిడెంట్లు జరగడం , అన్నదమ్ములు విడిపోవడం,  కుటుంబం చిన్నాభిన్నం అవడం , ఆత్మీయులు గానీ కుటుంబ పెద్దలు గానీ మరణించడం లాంటి అనేక దుష్పరిణామాలు జరుగుతాయి .

ఏలిననాటి శని జరుగు చున్నప్పుడు హక్కులకై పోరాటాలు , ఉద్యమాలు , ఆత్మగౌరవ నినాదాలు బ్రతుకు పోరాటాలు జరుగుతుంటాయి .

ఆంధ్ర రాష్ట్ర అవతరణ అనేది 01 . 10 . 1952 లో జరిగింది . అప్పటికి శని తులారాశి సంచారములో ఉన్నాడు . అంటే జన్మ స్థానము నందు శనిగ్రహ సంచారం అన్న మాట  .  తెలుగు జాతికి ఏలిన నాటి శని జరుగుచు ఉన్నప్పుడు మద్రాసు రాష్టములో ఉన్న మనకు ఆత్మగౌరవం కోసం పోరాటం మొదలైనది . మహనీయుడు శ్రీ పొట్టి శ్రీరాములు గారు తెలుగు ప్రజలకు గుర్తింపు కావాలనే ఉద్దేశ్యముతో ఆమరణ నిరాహార దీక్ష చేసాడు . అనతరము తెలుగు వారికి ప్రత్యేక రాష్ట్రం ఏర్పడింది . కానీ రాజధానిని కోల్పోవలసి వచ్చినది . ఏలిన నాటి శని వదలిన తరువాత తెలంగాణా ప్రాంతాన్ని మనలో కలపడం జరిగింది .

ఏలిన నాటి శని ఒకసారి వచ్చిందంటే మరలా రావడానికి ౩౦ సంవత్సరాలు పడుతుంది .

ఈ లెక్కన చూసుకొంటే 1982 – 198౩ సంవత్సరములో మరలా ఏలిన నాటి శని వచ్చింది .

ఈ సమయములో తెలుగు వారి కొరకు ప్రత్యేక పార్టీ ఏర్పాటు అయ్యింది . తెలుగు దేశం ( ప్రాంతీయ పార్టీ ) అప్పటి వరకు మర్రి చెట్టులా పాతుకు పోయిన కాంగ్రెస్ పార్టీని కూకటి వేళ్ళతో సహా పెకిలించి వేసింది . పరిపాలనలో ఒక నూతన అధ్యాయము మొదలైంది .

ఏ రాశికైనా ఏలిన నాటి శని గురించి తెలుసుకోవాలని అనుకొంటే జన్మ రాశికి ఇరువైపులా ఉన్న రాశులలో శని సంచారము చేయు సమయమును కూడా లెక్క వేయాలి . ఎందుకంటే శని ఒక్కొక్క రాశిలో రెండున్నర సంవత్సరాలు ఉంటాడు . ౩ రాశులలో కలిపి ఏడున్నర సంవత్సరాలు సంచారము చేస్తాడు కదా . దీనినే ఏలిననాటి శని అని అంటారు.మన తెలుగు వారికి ( తెలుగు రాష్ట్రం లేక తెలుగు జాతి ) .  ప్రత్యేక రాష్ట్రము ఏర్పడిన నాటి నుండి చూస్తే మూడవ సారి ఏలిన నాటి శని ప్రస్తుతం జరుగు చున్నది .

ఈ సమయాన అనగా సుమారు 2009 సంవత్సరము లో రాజు మరణించాడు . ( చీప్ మినిస్టర్ రాజశేఖర్ రెడ్డి ) తదనంతరం ఉద్యమాలు ప్రభావము ప్రారంభం అవడం ప్రాంతీయ విద్వేషాలు పెరుగు చున్నాయి . అన్నదమ్ములా కలసి ఉండాల్సిన మనలో ఈర్ష్య , అసూయ , ద్వేషాలు పెరిగి పోయాయి .  ప్రభుత్వ పాలన స్తంభించింది . (శని సేవకుల సూచిస్తాడు . ) ఉద్యోగుల దీక్షలు ప్రజా ఉద్యమాలతో రాష్టం అంతా అయోమయంగా తయారయ్యింది . తుదకు దేశాది నేతలు విభజన నిర్ణయము తీసుకోవడము తెలుగు జాతి , తెలుగు ప్రజలు ముక్కలయ్యే స్థితి వచ్చింది . 195౩ లానే 201౩ లో మెజార్టీ ప్రజలు రాజధాని నగరమును కోల్పోవలసి వస్తుంది . ఇది భాధా కరమైన విషయమే. 2014 నవంబరు వరకు జన్మశని ఉంటుంది . ఈ లోగా విభజన జరగక పొతే రాష్ట్రం సమైఖ్యంగా ఉండే అవకాశాలే ఎక్కువగా ఉన్నాయి . 

. .