కుజ గ్రహ సమస్యలు - పరిష్కారము

కృష్ణ అంగారక చతుర్ధశి వ్రతం .

ఈ వ్రతం కుజ గ్రహ దోషములతో భాధలు పడేవారు ఆచరించదగిన వ్రతము .

ఎన్ని సంబంధములు చూసినా పెండ్లి సంబంధములు కుదరని వారు , వివాహము ఆలస్యము అగుచున్నవారు , వివాహానంతరము భార్యా భర్త మధ్య సయోధ్య లేనివారు,  మరియు తగవులు , పోలీసు కేసులు , కోర్టు దావాలలో ఇరుక్కున్నవారు , ఆర్ధిక విషయములలో , భూమి సంబంధ వ్యవహారములలో నష్టములు ఏర్పడిన వారు , విపరీతమైన అప్పుల భాధతో ఇబ్బంది పడువారు ఈ వ్రతమును ఆచరించుట వలన సమస్యలు పరిష్కారము కాగలవు .

అంగారక చతుర్ధశి వ్రతము అనగా చతుర్ధశి మంగళవారము తో కూడి వచ్చినపుడు ఈ వ్రతమును చెయ్యాలి .అయితే చాలా మంది పూర్ణిమ ముందు వచ్చు చతుర్ధశి తో కూడిన మంగళ వారము రోజున ఈ వ్రతమును చేయు చున్నారు . అది తప్పు . 

ఎందుకంటే కృష్ణ పక్షములో మంగళ వారముతో కూడిన చతుర్ధశి రోజున మాత్రమే ఈ వ్రతమును ఆచరించాలి . పేరులోనే ఉన్నది కదా? కృష్ణ అంగారక చతుర్ధశి వ్రతం అని.  ఈ వ్రతము ఆచరించుటకు అన్ని మంగళ వారములు పని చేయవు . సంవత్సరానికో లేక రెండు మూడు సంవత్సరాలకో ఒక సారి మాత్రమే బహుళ పక్షములో చతుర్ధశి తో కూడిన మంగళ వారము వస్తుంది . గమనించ గలరు .