Number 5

5 వ సంఖ్య బుధుడు   : పంచేంద్రియములు , సృష్టికి కారణమైన భూమి , నీరు , అగ్ని , గాలి , నీరు మొదలగు పంచ భూతములు ఆధారమైన పంచ భూతములకు 5 వ సంఖ్యా సంబంధములో ఉంటాయి . ఈ 5 వ సంఖ్యకు బుధుడు అధిపతి . ఇతడు వైశ్య గ్రహము అనగా వైశ్య జాతికి చెందినవాడు . వైశ్య జాతి అంతే వ్యాపార , వాణిజ్య లక్షణములను కలిగి ఉంటాడు.

 ఈ 5 వ సంఖ్యకు చెందినవారు ఏ ఇంట జన్మించిన వారైనా సరే పుట్టుకతోనే  వ్యాపార లక్షణములు కలిగి ఉంటారు .5 , 14 , 23 తేదీలలో జన్మించిన వారు జనవరి 10 నుండి జూలై 1౩ తేదీల మధ్య పుట్టిన వారిపై బుధ గ్రహ ప్రభావము ఎక్కువగా ఉంటుంది .

వీరు మంచి ఆరోగ్యవంతులు . బుధుడు మే 21 నుండి సెప్టెంబర్ 27 తేదీల మధ్య విశేష బలము కలిగి ఉండును . ఈ మధ్య కాలములో 5 14 23 తేదీలలో జన్మించిన వారికి మంచి యోగమును ప్రసాదించ గలడు . వీరికి స్థిరత్వము తక్కువ . ప్రయాణము అంటే ఇష్టము . అందరితో కలసి మెలసి ఉంటారు . ఎదుటి వారి మనసు గుర్తెరిగి మసలుకుంటారు . ఇతరులను అతి సులభంగా వశపరచు కొందురు . మంచి బుద్ది కుశలత గలవారు . హాస్య సంభాషణ చతురులు .వీరు సామాన్య ఎత్తు కలిగి మధ్యమంగా ఉంటారు . బుధ శుక్రవారాలు కలసి వస్తాయి . బుధవారము అధికముగా అనుకూలిస్తుంది .వీరు ఇతరుల చేతిలో తొందరగా మోసపోవుదురు . వీరికి రెండు మూడు రకాలుగా ధన సంపాదన కలిగి ఉందురు

స్వయంకృషితో అభివృద్ది లోకి వస్తారు . వీరి జీవితమున అనేక మార్పులు సంభవించును.  కోరికలు ఎక్కువ వ్యాపార వ్యవహారములను చాలా నేర్పుగా చక్కబెట్టగలరు . మోసములు , దగా చేయు వారిని దరి చేరకుండా జాగ్రత్త పడవలెను . 14 28 32 41 50 62 71 సంవత్సరములు చాలా అనుకూలముగా ఉండును . 23 సంవత్సరములో స్థిరత్వము కలుగును . 35 వ సంవత్సరము మంచి స్థానము , Promotion , లభించును . బూడిద రంగు వీరికి Lucky Color . మెరిసే వస్తువులు ధరించుట మంచిది . Diamond , తెలుపు రంగు రాళ్ళు ధరించిన మేలు కలుగును . Silver ( వెండి ) వస్తువులు వాడటం మంచిది . వెండి కంచములో భుజించడం వలన చాలా లాభాలు ఉంటాయి .దీనివలన నరముల బలహీనత , శరీర దుర్బలత్వము కలుగదు . ఆరోగ్యము మెరుగు పడుతుంది .  

వంశ పారంపర్య గుణాలు వీరిలో ఉంటాయి .స్వార్జితముగా ధనమును కూడపెడతారు . వీరిలో చాలా మందికి తక్కువ వయసులోనే వివాహము జరుగుతుంది . విద్య పట్ల మమకారము ఎక్కువ . విద్యాధికులు , చదువుకున్న వారిపట్ల గౌరవమును ప్రదర్శింతురు . తీర్ధ యాత్రలు చేయుట వీరికి ఇష్టము .చిరకాలము పేరు ప్రఖ్యాతలు కలిగి ఉంటారు .