Planets Relation

గ్రహములకు మిత్రులు శత్రువులు సములు అని గ్రహముల మధ్య ఉన్న భాంధవ్యమును శాస్త్రములలో నిర్వచించిరి . దీని ఉపయోగము మనిషి జీవితములో ఎలా ఉంటుందో తెలుసుకోవాలంటే ముందు గ్రహముల మధ్య ఉన్న సంబంధమును గురించి తెలుసుకోవాలి .

దీనిలో కూడా శాశ్వతము , తాత్కాలికము అను రెండు విధానములు ఉన్నవి . శాశ్వత శత్రువు ఒకప్పుడు మిత్రుడుగానూ , శాశ్వత మిత్రుడు ఒక్కొక్కప్పుడు శత్రువుగాను జాతక చక్రమును బట్టి మారిపోవును . తదనుగుణముగా ఆ గ్రహములు ఇచ్చు ఫలితములు ఆధారపడి ఉంటాయి . ఇప్పుడు మొదట ఏ గ్రహమునకు ఏ గ్రహము శాశ్వత మిత్రుడు ఏ గ్రహములు శాశ్వత శత్రువులుగా ఉన్నాయో చూద్దాం . ఈ పట్టికను గురించి తెలుసు కోవడం వలన జాతక ప్రకారము మరియు సంఖ్యా శాస్త్రము ప్రకారము కూడా ఫలితములు నిర్ధారించుకోవడానికి ఉపయోగ పడుతుంది .

గ్రహముల మధ్య ఉండే శాశ్వత మిత్ర శత్రువుల చక్రము

గ్రహముల మధ్య ఉండే సంబంధము అయిదు రకాలుగా ఉంటుంది  .

1 అధిమిత్రుడు 2 మిత్రుడు ౩ సముడు 4 శత్రువు 5 అధిశత్రువు

1 . అధిమిత్రుడు : అత్యంత శుభ ఫలితములను లాభాలను కలుగ చేస్తాడు

2 . మిత్రుడు  :: శుభఫలితములను ప్రసాదించును

౩. సముడు :: సమ గ్రహము లాభ నష్టములను, సుఖ దుఃఖము లను సమానముగా ఉంచుతాడు

4 శత్రువు  : జరిగే పరిణామము లన్ని వ్యతిరేఖముగా ఉంటాయి .

5 అది శత్రువు : అత్యంత ప్రతి కూలములైన పరిస్థితులను కలుగ చేయును .

శాశ్వత చక్రము

గ్రహము	మిత్రుడు	సముడు	శత్రువు
సూర్యుడు	చంద్ర  కుజ గురు	బుదుడు	శుక్రుడు , శని
చంద్రుడు	సూర్యుడు బుధుడు	కుజ గురు శుక్ర శని
కుజుడు	సూర్య చంద్ర గురు	శుక్ర శని	బుధుడు
బుధుడు	సూర్య శుక్ర	కుజ గురు శని	చంద్రుడు
గురుడు	సూర్య చంద్ర కుజుడు	శని	బుధ శుక్ర
శుక్రుడు	బుధ శని	కుజ గురు	సూర్యుడు చంద్రుడు
శని	బుధ శుక్ర	గురు	సూర్య చంద్ర కుజ