2013-09-02

శనిగ్రహము


శనిగ్రహమును గురించి కొంత తెలుసుకుందాం .
గ్రహము లన్నిటిలో శనిగ్రహము  చాలా పెద్దది . నెమ్మది స్వభావము కలిగినది . నల్లని రూపము కలది .ఈ గ్రహ స్వరూపము లక్షణములను అనుసరించి మానవుడు చేయు కర్మలు ( వృత్తులు ) ఈ విధముగా ఉంటాయి . ఈ గ్రహము యొక్క ప్రభావము విశ్వం అంతటా వ్యాపించి యుండును . 

మానవుడు జీవించి ఉన్నపుడు , మరణానంతరము కూడా కీర్తిని సంపాదించువారు ఈ గ్రహ ప్రభావము లోనివారే .
శని గ్రహము యొక్క ప్రభావముచే జన్మించిన వారు తాత్కాలిక ప్రయోజనముల కొరకు ఆశించరు . వీరు దీర్ఘకాలిక ప్రయోజనము కొరకు పాటు పడతారు .  సమాజ శ్రేయస్సు కొరకు , దీన జనోద్దరణ కొరకు కృషి చేయుదురు . ఐహిక సుఖములకై తాపత్రయ పడరు . లక్ష్య సాధన కొరకు ఓపిక , సహనముతో ఉంటారు . హక్కుల కొరకు , బానిసత్వ నిర్మూలన కొరకు పోరాడు తత్వము కలిగి ఉందురు . ఆదర్శ పురుషులు ఈ కోవకు చెందిన వారే .

ఉదా : వివేకానందుడు , గాంధీజీ , రామకృష్ణ పరమహంస , లాంటి గొప్ప గొప్ప నాయకులు , సంఘ సంస్కర్తలు మొదలగు వారందరూ ఈ గ్రహము యొక్క అంశ లో పుట్టిన వారే .
     
ఈ గ్రహ ప్రభావము వలన మానవుడు గుంపులకు , సమూహములకు ఆధిపత్యము మరియు నాయకత్వము  వహించును . ఇక్కడ మనము ఒక విషయమును అర్ధం చేసుకోవాలి . సూర్యుడు అధికారమునకు , నాయకత్వమునకు కారకుడు . శని గ్రహము సేనలకు , సేవకులకు కారకుడు .  సూర్యుడు మరియు శనిగ్రహము కాంబినేషన్ లో ఈ రెండు గ్రహముల ఆధిపత్యము బలముగా ఉన్న జాతకులు రాజకీయముల యందు రాణించ గలరు . అనగా ప్రజా సమూహములకు నాయకత్వము వహిస్తారు .

సాధారణముగా ఇటువంటి జాతకులు మొదట సాధారణ జీవితమును ప్రారంభించి అంచెలంచెలుగా ఉన్నత శిఖరముల నదిరోహింతురు . వీరు జీవితమున ఉన్నత ఆశయముల కొరకు పోరాడు చుందురు . పెద్ద పెద్ద బారీ సంస్థలు వీరిచే నిర్మింప బడతాయి . వీరిచే మొదలు పెట్ట బడిన సంస్థలు గానీ , ఉద్యమాలు గానీ ఎంతో కాలం పాటు కొనసాగుతాయి .  స్వంతత్ర ఉద్యమం లాంటివి ఈ కోవలోనివే .

ఇకపోతే ఈ శని గ్రహ అంశయందు పుట్టిన వారు రైల్వేస్ , స్టీల్ ప్లాంట్స్ , ఇనుము , ఉక్కు సంబంధిత పరిశ్రమలలో , గాలికి సంబంధించిన అనగా మొబైల్ పోన్ , సమాచార శాఖలు , పోస్టల్ ,  టెలీఫోన్ , రంగాలలోనూ , రాజకీయాలలోనూ , నూనె పరిశ్రమలు , పెట్రోల్ , డీజిల్ లాంటి ఆయిల్ పరిశ్రమలు ,పరోశోధన రంగములలో ఉన్నత స్థాయి కలిగిన స్థితికి చేరతారు .

 శని గ్రహము నీచ స్థితిలో , శత్రుక్షేత్ర స్థితి లో ఉండి సూర్యునికి 6 8 స్థానములలో ఉన్న జాతకులు సాధారణ జీవనము గడుపుతారు . ఇట్టివారు ఎంత ప్రయత్నించిననూ పైకి రాలేరు . సేవకులుగా , పనివారు గా , కష్ట జీవనము గడుపుచూ బ్రతకడానికి పోరాడుచుందురు . పేదరికమును అనుభవింతురు . సమాజమున గుర్తింపు ఉండదు .      

2013-09-01

సూర్యుడు – శుక్రుడు



జాతకము లో గ్రహములు బలమును గురించి వివరించు కుంటున్నాము.
ఇప్పుడు  సూర్యుడు – శుక్రుడు ఈ కాంబినేషన్ కు సంబంధించి చర్చిద్దాం .
జాతకము లో సూర్యుడు – గురుడు , శుక్రుడు ఈ గ్రహములు ఒకే సరళ రేఖపై ఉన్నప్పుడు లేక దగ్గర దగ్గరగా ఉన్నప్పుడు మూఢమి ఏర్పడుతుంది . సూర్యుడు తో  కూడిన లేక కలసి ఉన్న ఏ గ్రహమైనా శుభ ఫలితములు ఇవ్వదు . కావున గ్రహములు ఈ కాంబినేషన్ లో ఉన్నప్పుడు వివాహము , గృహ ఆరంభము మొదలగు సమస్త శుభ కార్యములు  చేయకూడదు అని మహర్షి వచనము .

కానీ జాతకము పరిశీలనలో పైన తెలిపిన విషయములు వర్తించుట లేదు . జాతకము పరిశీలన చేసే టపుడు గ్రహముల కలయికను మాత్రమే చూడ కూడదు. ఫలిత నిర్ధారణ చేయు నపుడు గ్రహము జన్మ లగ్నము నుండి ఏ భావము నకు అధిపత్యము వహించు చున్నది. ఏ ఏ భావాధిపతు లతో కలసి యున్నది .ఏ క్షేత్రము నందున్నది . ఏ క్షేత్ర భావ అధిపతులతో చూడబడు చున్నది . ఇలా అనేక విషయములను పరిశీలించాలి .

సూర్యుడు – శుక్రుడు . ఈ కాంబినేషన్ బాగున్న జాతకులు ఆకర్షణీయ రూపము కలిగి ఉంటారు . వీరు కళా రం గమున ఎలక్ట్రానిక్ మీడియా , సినిమా , నాటక రంగము , గాయకులు , సంగీత విద్వాంసులు , మొదలగు రంగములలో స్థిరపడతారు . వస్త్ర పరిశ్రమలు , అద్దకం పరిశ్రమలు , అలంకరణ సామగ్రి , పర్యాటక రంగములలో జీవనము సాగించ గలరు . వినోద రంగముల యందు , మహిళలు కు సంబంధించిన అనేక రంగములలో, జీవనము సాగించ గలరు . విలాస వంతమైన జీవితమును గడుపుతారు .

సూర్యుడు – శుక్రుడు కాంబినేషన్ బలముగా ఉన్నవారు . పైన తెలిపిన విభాగములలో అత్యున్నత స్థాయిని పొందుతారు . ఈ కాంబినేషన్ బాగులేనివారు  వ్యసన పరులు , స్త్రీల పట్ల ఆకర్షితులై , కామోద్రిక్తులై ఉంటారు . వ్యసనముల బారిన పడి జీవితమును నాశనము చేసుకుంటారు . కుటుంబము పట్ల భాద్యత ఉండదు . వీరికి ఆదాయము కన్నా ఖర్చులు అధికముగా ఉంటాయి .    

2013-08-31

గ్రహములు- జాతులు 4



నవ గ్రహము లలో సూర్యుడు అత్యంత శక్తి కలిగిన గ్రహము . ఈ గ్రహము యొక్క ప్రభావము చేతనే మానవుడు సమాజము లో రాజ్య అధికారము లను పొందును . ఇంతకుముందు మనము గ్రహముల యొక్క జాతులను గురించి తెలుసుకొన్నాం . అయితే ఈ జాతులు ( కులములు ) ఇప్పుడు మన సమాజములో ఉన్న కులములు కాదని గ్రహించాలి.

ఎందుకంటే మొత్తం మానవ సమాజమును ఐదు వర్గములు గా విభజించారు . ప్రతి మనిషి జీవించుట కొరకు ఏదో ఒక వృత్తిని చేపట్టాలి . అయితే మనిషి చేపట్టబోయే వృత్తిని అనుసరించి జాతులుగా విభజించారు . గ్రహ శాస్త్రమున చెప్పిన జాతులు ఈ విధముగా ఉన్నాయి .

ప్రభుత్వము ను పరిపాలించు వారిని పాలకులు లేక క్షత్రియులు అని , సమాజమున ప్రజలకు మేలు కలిగించే విధంగా సలహాలు , సూచనలు ,అందిస్తూ సమ సమాజ నిర్మాణము కొరకు పాటు పడేవారిని బ్రాహ్మణులు అని,
వ్యాపారము వృత్తి గా చేపట్టు వారిని వైశ్యులు అని , శ్రామిక వర్గము నకు చెందిన వారిని శూద్రులు అని , అధర్మ బద్దముగా వ్యవహరించు వారిని మ్లేచ్చులు అని ఈ విధంగా ఐదు రకములుగా విభజించారు .

మానవులు అందరూ ఒకేలా పుడతారు . కానీ పెరిగి పెద్దవారు అయిన తరువాత ఒక్కొక్కరికి ఒక్కో విధమైన మనస్తత్వము , బుద్ది , ఆలోచనలు ఉంటాయి . బ్రతుకుదెరువు కూడా ఒక్కొక్కరికి ఒక్కోవిధముగా ఉంటుంది .
‘’ కొందరికి వద్దంటే డబ్బు . మరి కొందరికేమో ఆకలి జబ్బు ‘’  ఇది సామెత మాత్రమే కాదు యుగ యుగాల నుండి మానవులలో అంతరము కనబడుచునే ఉన్నది. దీనికి కారణము మహర్షులు ఇలా చెప్పారు .
మానవుడు జన్మాంతర కృత పాప పుణ్య ఫలములచే తను అనుభవిస్తాడు ..

ఈ సమాజమున ఈ జన్మలో మనిషి పొందు హోదా , గౌరవము , అధికారము సూర్యుడు యొక్క బలముపై ఆధారపడి ఉండును . ఎవరి జాతకము లో సూర్యుడు బలవంతుడు అయి ఉంటాడో అతడు లేక ఆమె గొప్ప అధికారములను పొందును అని శాస్త్రముల ద్వారా మనకు తెలియు చున్నది .

ఇట్టి అధికారములు కూడా కొందరికి సునాయాసముగా లభించును . కొందరికి ఎంతో కష్టపడితే గానీ రావు . కొందరు అవకాశములు వచ్చిననూ చేజార్చు కొంటారు . మరికొందరికి వారసత్వముగా వచ్చు చున్నవి . వీటన్నిటికి గ్రహము ల బలములే ఆధారము . సూర్యుడు బలము కలిగి ఉన్నా నైసర్గిక పాపగ్రముల ప్రభావమునకు లోనైతే అవకాశములు వచ్చినట్లే వచ్చి తృటిలో తప్పి పోతాయి .     

మేషరాశి

ద్వాదశ రాశులను బట్టి మానవుని జీవిత విశేషములను , మానవుల యొక్క గుణ గణాలను తెలుసు కోవచ్చని జ్యోతిష్య శాస్త్రవేత్తలు తెల్పి యున్నారు . మ...