జన్మ నక్షత్ర ఫలితము _ పుష్యమి

పుష్యమి నక్షత్రములో జన్మించిన వారు మంచి చతురత కలవారు . హాస్యముగా మాట్లాడతారు . దైవభక్తి ఎక్కువగా ఉంటుంది . శారీరకముగా బలముగా ఉంటారు . మానసికముగా పిరికివారు . పైకి మేకపోతు గాంభీర్యము ప్రకటిస్తారు . చంచల మనస్సు కలవారు .ప్రియముగా మాటలాడుదురు . విద్య యందు అభిలాష ఎక్కువగా ఉంటుంది . తెలివైన వారు . మేధావి . చదువులో రాణిస్తారు .

ఐశ్వర్యము కలవారు . చాలా ఉత్సాహముగా ఉంటారు . వీరికి జీర్ణ వ్యవస్థ కు సంభందించిన రోగములు ఏర్పడును . దాంపత్య జీవితములో కొంత అన్యోన్యత లోపించును . నిర్మల మనస్సు కలవారు . సదా సంచారము చేయు చుందురు .

ఎప్పుడు ఏదో పని కల్పించుకొని తిరుగుతూ ఉంటారు . వీరు మనసున ఏది దాచుకోరు . అంతా ఓపెన్ గా ఉండాలని అనుకొంటారు . కల్మషము లేనివారు .

వీరికి వివాహ అనంతరము జీవితము గాడిలో పడుతుంది . మంచి అభివృద్ధిని సాధిస్తారు . సమాజమున గొప్ప వారవుతారు . స్వార్జితముగా వృద్ధిలోకి రాగలరు . కుటుంబ విషయములో ఇతర కుటుంబ సభ్యుల ప్రోత్సాహము తక్కువగా ఉంటుంది . స్నేహితులు మరియు సన్నిహితుల ప్రోత్సాహము , సహకారము వలన వీరు జీవితమున అత్యున్నత స్థాయికి చేరుకొంటారు .

గురువులను , పెద్దవారిని గౌరవిస్తారు . చేసిన మేలును మరువరు . విశ్వాసముగా ఉంటారు . ఉపకార బుద్ది కలవారు ఆపదలో ఉన్నవారికి సహాయ పడతారు . వీరి మనస్సు చాలా సున్నితమైనది. చిన్న చిన్న కష్టములను కూడా తట్టుకోలేరు. వీరు అనుకొన్నది అనుకొన్నట్లు జరిగితే ఎంతో సంతోషిస్తారు . ఆనందమును పొందుతారు . వీరు ఆరోగ్యమును జాగ్రత్తగా కాపాడుకొనుట మంచిది .

తీపి వస్తువులపై ఇష్టము ఉంటుంది . తిండి విషయములో అతిగా తినకూడదు . ఎక్కువగా తినడము మంచిది కాదు . జాగ్రత్త పాటించుట మంచిది .వీరు చిన్న తనమున సన్నముగా ఉండి తరువాత లావుగా అవుతారు . ఊబకాయులు గా తయారవుతారు .  వాత సంభంద నొప్పులతో భాదపడతారు.

ఆర్ధిక విషయములలో తమకు తోచిన విధముగా సమయానుకూల నిర్ణయములు తీసుకొంటారు . దీని వలన ఇబ్బందులు కలుగుతాయి .ఆపదకాల సమయములలో ధనము కొరకు సమస్యలను ఎదుర్కొన వలసి ఉంటుంది . చాలా ప్రణాలికా బద్దముగా వ్యవహరించుట మంచిది .,